訓到12點幾起左身,成兩點幾先落街食野,食完野就買野煲湯,同買定今晚餐餸煮飯食,不過煲湯同煮飯都唔係我負責,我負責食,慣左俾人睇死我唔識煮,不過我唔可以再俾拒有機會串我,我一定要學識...

放假既時間過得得別快,hea下又一日,但好鐘意咁既生活,令人好舒服~~

12點準時放工就回家睡覺,訓到成6點先起身,起身就準備出去打邊爐,ruby生日,成班約左係太子小肥牛打邊爐,原本7點半等,但原來所有人都遲到,包括我,得esther自己一個到左,揸住個蛋糕on居居企係條街到等我地,我食左超多野,食完呢餐好似又肥左咁,仲買左白酒紅酒玩,可能好耐無同拒地飲過,我覺得好好玩,kitty貓左,好攪笑,原本諗住打完邊爐番屋企,但又好似玩唔夠喉咁,跟住落左pp揾亞斌,但同拒地一d都唔好玩,我好似格格不入咁,落到去鬼死咁悶加好無聊,玩到3點幾到就走左~

 

*拒落左cwb玩,但成晚一個電話都無打黎,唔知點解拒唔會關心下我玩成點呀,有無飲醉呀,回家未呀???打個電話好難咩@@@!

*搬左出元朗後我都無食過小肥牛喇,同埋搬左後我一次都無入過元朗,係fb見到jeffty同而家條女既相,原來拒真係已經變得好陌生...曾經我認為最親既人,而家大家都各行各路都幾.....唔同階段陪伴自己行既路都會係唔同人...

放工就過左灣仔,今晚約左亞甄睇拳賽,我都係第一次睇,全場爆滿,原本差d拒黎唔到,好彩睇到第四場過到黎,岩岩好先係最精彩既開始,可能第一次睇,睇到超興奮,又大嗌,真係好刺激,全晚一共12場,睇完都成11點幾,跟住我同拒番左長沙灣PC BAR同嘉敏成班飲野,去之前我仲話飲一陣好走喇,落到去玩完走...結果...我係唔肯走...係咁要拒地留低再玩,跟住我地再轉場去左R BAR飲,番到屋企都成3點,可能由睇拳既氣氛到落BAR既氣氛都好好,今晚我真係好開心^^真係好開心既一晚...

 

*上星期睇電視黃子華話就算有一餐好豐富既晚餐,好唔好食唔係睇食物,而係睇同邊個食,真係講得無錯~

*上網打左之後我就無寫本日記tim@@@

*MJ死左,震驚全球

今朝拒終於發現到個驚喜喇,唔知拒會唔會覺真係好驚喜呢,但我就好開心,不過掉番轉頭拒送驚喜俾我既我會仲開心,唯有...等下啦,付出同收獲永遠都唔成正比,我對人好我都希望人地對番我好,都係唯有等..下啦,好多野唔一定要做出黎,一個人有無心別人又點會睇唔出,其實我係咪可以做到咩都唔介意,唔係...我只係好介意...

今日jeffy聽左我電話喇,講左幾句cut我線,我再打左幾次俾拒同send sms俾拒,拒打番黎話我好煩,其實我都好討厭自己咁做,不過鬼叫拒有錢唔還呀,或者唔甘心,又或者唔抵得啦,仲之拒出糧我會再奪命追魂call..

放工回家悶到爆既一晚,終於整埋day five d相~

只可以講由9-6都係無聊中度過,放工回家沖完涼就出左去食飯,去左食譚仔,食完就回家,番到去用極速時間製造驚喜,但仲未發現,心急死人喇~~

 

*聽完chris,dee講野後,我決定奪命追魂call jeffy,就算攞唔番我既野,煩死拒都好,拒實在太仆街喇,邊有咁賤既人架...不過拒唔聽我電話

*你話我無當過係自己屋企,係呀...但你有無諗過點解呀??

唔明點解由9-6都係勁眼訓,一收工就精神,放工回家,又係好無聊既一晚,今晚我食左兩次晚飯,係屋企食完拒先打黎叫食,咁就再出去食過真犀利,但我真係食得落先恐怖,我即發覺我肥左,唔可以肥喇,今日諗住送過驚喜俾拒,點之拒又要出去唱k....但好期待送個驚喜俾拒,其實係一個月之前已經想做,不過嘈足成個月...

 

*今晚得閒終於整埋去台灣day four d相,因為一整部機會好慢,所以成日拖住唔整~~

*我同家倫講左喇...

好眼訓既一日,仲之要番工個日我都覺得眼訓,放工番左屋企訓,訓到成9點先食飯,拒買左咖哩番黎俾我食,好耐無食,我覺好好味,又訓左覺攪到夜晚訓唔著@@

 

*其實我每一日都係咁無聊,我都唔知打咩好,但每當睇番之前打個D又覺好攪笑...

*不過睇番我無成長過不得止,仲俾之前更衰>,<

*今日打左俾亞BOY,拒無話我,仲講到超好笑俾拒笑死~~

 

訓到成兩點先起身,放假就係咁無聊,拒訓醒就即打俾我,講左好耐,大家都係口哽心軟,希望真係嘈埋最後一次,父親節夜晚同爸媽出左街食飯,食完我就番左屋企喇,夜晚12點幾睇睇下飲食男女講食雪糕,結果我地真係即刻落街買雪糕食,好開心,做人其實真係好簡單,成3點幾先訓,成晚就係睇電視,唔捨得訓,一訓就無左個假期咁,訓醒又要番工慘~~

 

*連續兩日沙龍都打黎話我個晚飲到咁醉,各樣那樣,我都唔想飲醉架><

*我都無打俾亞BOY問番我個晚點走,下場去左邊度玩呀,我都驚俾拒閙@@

今日番工遲到,9點半先番到公司,最勁係我玩完連衫都無換,直接番工,完全係超暈,一番到公司即訓底,到醒番已經11點幾,12點收工即去做facial,玩完一晚個樣成隻鬼咁,做完即回家再訓,今日真係好辛苦,係暈足一日,夜晚過左嘉敏屋企玩,我無玩無飲,係無可能再飲到,玩到3點幾先番屋企,拒5點幾打俾我睇下我係邊,其實只要咁簡單一個電話就已經足夠~~

醉到不能再醉既一晚,我都覺自己太過份,醉左又痴哂線,真係超樣衰,係BAR到訓低左,我唔知點解我仲可以跟住再轉場,其實係同邊個一齊轉,去左邊到玩我係完全唔知,我只去到繼續再訓,我諗係亞BOY送我番屋企,因為我訓醒已經番到屋企樓下~

 

*對唔住我知我醉左亂咁講野,雖然我真係唔知講左咩,我都唔敢知,我明白我講既野傷害左你,我知激走左你你都再番轉頭接我,我知今次係我唔岩,我明...

*醉到咁我都只係跌左張八達通,我真係執番身彩~

成日諗夜晚個餐食咩真係好煩,今晚食左麥當當,我食左足3兩,都唔係好大個姐,唔覺好飽,夜晚D電視節目好悶,無咩好睇@@

 

*好想睇捧捧堂演唱會~

*由你話唔見左個一刻,我真的十分清楚明白...好多野大家都唔洗講出口,不過估唔到毫毛保留對你好,你會...講大話話跌左,你唔想我唔會勉強你,不過令我又睇清你...亦令我清楚知道我係你心中既位置~~

 

      

等到夜晚成十點先食飯,好多野從你既態度已經睇得出,算...吧@@

*要型得起去做人就難,放低尊嚴去左人就容易到不得了

*番左熟悉而又陌生既屋企,我真係覺好陌生,亦都唔覺須要我既存在

*你話唔見左??得...我真係無野再講,你既強項係令我失望,以後我咩都唔會理,你鐘意點就點,我會繼續做好自己

*當對你好變成習慣就你只會視為應該,當痛苦已習以為常,痛苦亦傷害不了我~~

*我係咪真係要做到不問不聞,唔在乎唔緊張先得呀,如果我真係做到既證明你已經唔再重要啦~~

今天是星期天,又無一齊過,你打黎叫我去食野,我一樣無去,你講得岩我真係逃避緊你,因為你一日做唔到拒就好似陰雲不散纏繞住我,我好唔想咁樣,但你跟本就唔明我,原則係要付出代價,我知,但我以為你會做到!

最終去左m屋企整水晶甲,我從無諗過整呢d野,覺得呢d野太女仔唔岩我,不過m成日講到興高彩烈,所以我都整左,去到都成5點隻手整到八點,之後m煮埋飯俾我食,拒煮送好好味,算啦我都唔會學到,食完飯就再整埋腳,拒真係整得好靚,超有心機幫我整,係拒度玩足成日其實我都有d唔好意思,我自己都坐到累,何況拒仲蹝咁多精神幫我整,又蹝左成日時間...thx my fdfdfd~~

整到12點幾走,搭小巴去到地鐵岩岩好無車,唉...唔通連個天都唔鐘意我,唯有搭的士回家...

番到屋企打左幾次電話俾你,最後你連電話都關埋,你又講得岩,你真係會令我再失望,你講既全部都係大話,無一樣你會做到,算啦,我覺咁樣落去都係無止境,你無珍惜過,我唔會再相信你做到,你既一齊我唔會再著緊!

 

*全晚訓唔著,喊都唔可以解決到問題~

*之前係圖書館借左4本書,一路都懶得去玩,尋日還左,罰左八十幾,懶咪要付出代價~~

*朋友尋晚跳樓死左,我地成班朋友個個都好驚訝點解拒會咁做,逢親每次出黎玩拒都一定有份出,我地無人估到拒咁做,死係咪真係可以解決問題,我希望拒係另一地方會繼續開心生活

 

訓得兩個鐘又要起身番工,眼訓到爆燈,放工即時回家訓覺,星期六晚我都無出去全晚留左係屋企,朝早晏就你都打左幾次電話俾我,我知我既語氣態度都好差,因為我真係好忟,好難平心靜氣咁對你,你叫我食飯我都無去,不過夜晚你去左玩一個電話都無打過俾我,你唔會睇下我去左方同邊個一齊,我好想你會關心我多d,我成日只會想因為你唔緊張我我唔重要~

 

*玩到把聲沙哂,你叫我飲多d水,好少你會有咁講,呢d咁簡單既關心說話你平時都唔會同我講>,<

*星期六晚自己一個係屋企真係會好悶,不過算啦好過出去又要扮到自己好開心咁...

*好白痴自己整傷左自己條眉~

*兩點幾行雷行到好勁,本來我好想send個sms俾你話你知好想而家你會係我身邊,不過send左都唔會有用啦@@

 

 

今晚係超開心既一晚,因為成班小學同學出左黎食飯,今次係我地第三次聚會,有成20位同學同埋兩位老師,其中有幾個同學都係第一次出,但陌生既感覺一d都無,就算咁多年無見,一見面只有親切感覺,雖然大家都成長左,但無損我地既友誼,今次既聚會攪得好成功,一早book左房食日本野,但本身係預左十幾人但出左成廿幾人迫爆成個房,仲要我地勁嘈,因為成班好似失左控咁,個個都超興奮,跟住俾人投訴左幾次,野又食唔飽,同學話轉場再食野傾下,個個都話好,跟住問去cafe好定唱k好,個個都話無所謂,咁不如就投票啦,去cafe舉手...無人舉,唱k舉手,成班一齊舉手,haha場面超好笑!!!

一行十幾人去左唱k,玩到痴左,飲極都唔夠咁,我玩到成5點幾先走,好開心~~

*唱k既時候我都有打俾你,不過而家我地一講野就會嘈交,我知我自己既態度都係唔好,因為你一日未解決到我都唔可以心平氣和咁對你!!!

收工同左成班中學同學出黎食飯,一行9人去左打邊爐,個個話收到通知我失戀,所以係出黎食飯安慰我,唔使丫話???俾人問左廿次我係咪單身,超好笑,又講左好多好有道理既野我聽,我真係明架,不過有時思想同行為點都係唔一致姐!!食完拒地又話落bar定唱k,我完全無mood玩,所以我話唔去,點之我話唔去拒地又唔去,跟住買左酒上左嘉敏屋企玩,咁都幾好丫,又可以猜每,又可以傾下計,番到屋企都成兩點幾,好累...

*上星期行利時個陣入左間到睇衫,見到個sales好熟口面,跟住我就問拒係咪tony細佬女朋友,場面好攪笑,因為其實我未見過拒女友架,整係係facebook見過相,拒話拒都認得我,都係facebook見過我d相,之後仲一齊落樓食左枝煙,原來間鋪係拒開,拒真人靚d同埋仲好好傾~~

*唔知拒幾時先做到呢,唉...

放工又係回家...悶到爆,由朝上網上到黑,真係超無聊,拒放工都有打黎叫我食飯,我都無出呀,其實唔係唔想見拒,我只想拒做到先,因為我諗我仲有d陰影咁,原本夜d都諗住同fd出去食野,不過費事拒以為我約左人而唔同拒食飯,咁點得...

*我又張自己手寫既日記又頭睇一次,睇番真係好得意^^

 

一朝早就收到你個sms,我就睇你幾時先做到,我今晚出左去打牌,我諗我已經係超過3年無打過牌,好彩無輸仲win左$120,打左12圈8番$128 ,好耐無打過都幾好玩,番到屋企都成4點,4點幾上床都訓唔到...你出左去玩一個電話都唔打俾我,一路打一牌一路都好想電話響,算啦你就係咁架啦,都唔會關心下我睇下我打成點呀...打完未呀,仲口口聲聲話關心我,真係唔係好覺!!你番到屋企都仲識打黎叫好過無啦><

*一起222日喇

*開始轉左食淺綠威豪,味道淡左,都幾好...

*上兩星期ex打過電話黎,我真係佩服拒得五體投地,唔知拒真係當我傻定係拒自己傻,拒話架車唔夠料上會叫我做擔保,痴根架,真係呃唔夠咩,仲想打我主意,不過我對拒完全一d感覺都無!!