今天係最後一天係旺角寫字樓喇,唔想走呀,我知番到去我要過d非人生活,諗起都驚,希望唔係我想像之中咁差啦...

 

*我好似d就死既人咁,不停睇番之前既日記,我寫過2006個年係最唔開心既一年,點之2007,2008,2009俾個一年更仆街,幾時先可以擺脫到而家咁既生活呀,我真的感覺到好吃力~

今日全日都係公司度執野,話搬咁耐,我一路都無執過野,我完全係臨急抱佛腳既人,好多野唔到最後一刻我都係唔會去做,明天就要番沙田喇,好唔捨得呢度呀,呢度實在太方便,諗起買咩隨時落街都有,唉...我既碧桂園生活要完結喇...

 

*等埋chris今日成3點半先食lunch,行去食飯個陣拒行過龍,拉一拉拒,唔知點解自己會kick一kick,成隻鞋甩左出黎仲要連鞋墊都飛埋出黎,場面超好笑,我笑左好耐,極低能~

*放工回家沖完涼去左買外賣,siu wing上左黎搵拒,坐左一陣走左~

放完假完全唔想番工,尋日遊完船河,而家哂散,d肉好酸痛,睇番遊船河係超多相,有成幾部機,話會再攪多次,好呀,今次好好玩...

放工回家沒有人,爸媽番左大陸,但媽都專登打電話番黎叫我記得喂個3隻龜食野,無人陪我食飯,我食左兩枝雪條,我覺呢兩個星期肥左好多,我食左好多野,成10點等拒食完飯先番去~

 

*唔知做咩呢個幾星期你會對我好左,我真係感覺到,發生左咩事...你竟然會對我好??希望唔會只係一時啦~

*Patrick仔話我同幾年前個樣差左好遠喎,拒話我而家彼膚差左好多,樣殘左好多,就算係行為語氣上都無以前咁可愛,唔係真係差左咁多呀><

嘩...好耐無打喇,呢個星期好忙呀,我諗黎緊我都無咩時間可以打喇,括要下呢個幾星期發生d咩先~

 

18/7, 9號風球呀,但係星期六晚先黎9號呢,好無意思,自己一個留在家裹,關哂所有窗,只聽到雨聲,完全唔知出面有幾大風,所以我一d都唔覺有打過風,但亦都另我想起舊年9號風球個日~

19/7 訓醒已經落左波,所以邊覺有打過風,不過成晚都訓唔著,等到成4點幾先番,我先至訓,訓醒我去左買野煲湯,今次煲左合掌爪,因為我買左本書教煲咩湯,有超多款,夜晚個餐我買餸,不過唔係我煮,唔知點解可以成日為左唔識煮飯嘈交,唔識咪學緊囉,又成日話人><

22/7 去左玩校服party,我仲專登上網訂左校服,個晚好好玩,盡量都唔飲咁多,好驚醉會發癲,影左好多相,但套校服哂左著得一次,應該無咩機會再著~

23/7今日攞左大假,因為尋晚玩完,今晚chris生日,又要出去玩,驚頂唔順,所以放假,出到去都成11點幾,我都有同mon一齊玩,無咩感覺,成晚氣氛好好,原來我講左3點要走,但玩到唔捨得走,番到去都成4點幾...你竟然話打機等我番去,真係超開心~

24/7 一齊買餸,都唔係我煮,訓訓下突然有人用鎖匙開門,好型,真係型到震,極不知所謂~嬲??嬲又點...我已經麻木哂~

25/7 星期六無出街,留係屋企煮飯睇碟~

26/7 訓醒落街食野買野煲湯,今次煲節瓜,夜晚無煮飯叫左外賣肯得基~

27/7 今天又係放大假,專登攞左假去遊船河,一朝早7點幾就起左身,仲早過番工,今次我覺得好好玩,我仲玩埋香蕉船,一路以黎我都唔夠膽玩,今次終於玩左,之後仲係西貢食埋海鮮先回家,玩到好累呀^^

 

*chris 生日個晚亞英都有問我仲有無嬲亞mon,我話無,可能真係已經過左去,而家睇番真係豪無感覺...好多野過左去再睇番真係已經發覺無咩再大打了...

*個晚突然想食雪榚,叫左爸爸落街買俾我食,係屋企有時真好,想食咩大嗌一聲就得~

 

又係食左好多野既一日,要得埋chris4點食飯,我一早又食定早餐,lunch又食野,同chris食完都成5點鐘已經好飽,番到去又食左個豐富晚飯,我買餸架,但我唔係負責煮,有好好食既薑蔥炒蟹,我唔可以食咁多喇,好肥喇!!

老細俾我30號前先番去沙田,因為仲未執哂野,都好,仲可以係度多十日到,唔...想...番...去...呀,而家好似話唔使坐係ceo前,坐係另一個房,不過個邊都係慘,有個超清既cctv,強勁既收音,加埋電話錄音,都係一流~~

今日食左好多野,上星期磅過瘦左兩磅,相信呢星期食既野一定肥番哂過兩磅,成十點幾仲落街買左雪糕新地先番去!

唔記得呢兩日發生過咩事,總之我既心情就係俾要番沙田困擾住,諗起要7點幾起身想要嗌救命,之前住流浮山番工都唔使咁耐時間,唔明而家番沙田要咁耐,架巴士車程超耐,每天又要對住老細,我真係想死>,<總覺得好野一定無我份,咩都係~

 

*老細9點幾已經黎到揾我傾,講左成個幾鐘拒先走..好彩拒去到留下都打左個電話俾我先,我仲有時間收番埋對拖鞋><

*我係一個非常害怕要轉變既人,對任何野都係,我唔鐘意從新適應一樣野!

*15/7同左ray食lunch,臨理開呢度,同拒食多餐,大家都係呢區番工,但好少約埋一齊食飯,出到黎一樣,大家勁爆笑~

*14/7出左去食譚仔就回家,15/7拒出左去同m duck整野,整完又去玩,我就黎激死...

*臨走公司部電腦都要壞左..唉..部電腦都會同我一齊番沙田架..係咪連電腦都唔開心呀,發脾氣唔想番沙田呀??

 

 

晴天壁瀝的一天,晏就老細打電話黎叫我地番上沙田見拒,一個見5點一個見5點半我見最後6點,原來另外兩個同事俾炒,oh~no~~雖然唔覺意外,但成條team剩番我一個,我都唔知自己點做,最慘係我要調番去番沙田,十萬個慘,番工又遠放工又遠,以後唔使旨意上網,諗起每天都要對住老細,由9點開始就要做野,無野做都要扮有野做呢種生活想死,我真係驚頂唔順,有野做都好,扮做野d時間點捱,真係好唔想做,7點幾就要起身,唉….
好唔開心呀,好懷念以前條team超多人既日子,由番工笑到收工,d同事又好玩,而家只得我…都唔應用叫team啦,我真係唔知捱唔捱到呢關,好大打擊呀!我真係覺得自己唔適合做呢個位,做到好辛苦,我好大壓力呀!!

星期六,日既時間永遠都係過得特別快,11/7放工去左行街之後做facial,回到到即刻訓晏覺,而家慣左星期六要訓晏覺,訓醒已經7點好鬼誇張,又要準備出去喇,嘉敏生日,落左去旺角飲野,飲左一陣一點到就走,好耐未試過去玩會咁早走,拒唔想飲,因為拒飲左好多晚,但我又唔想拒自己一個走,咪一齊走,不過都無咩所謂,反正整番我都唔會覺好玩~
12/7唔知點解一早就醒左訓唔著,我去買野煲湯,好勁,煲左西洋菜湯,每逢星期日就一定係食得最多野既一日,不停咁食,夜晚到我親自煮飯,煮左一餐評為90分既晚餐,超開心,以我既資質成功煮到已經好叻,今次仲要係好好味^^

 

*下次煮唔希望攞到100分住,keep到90已經頂班~

*訓唔著覺差唔多天光先訓~

*一星期7晚可以出左去玩6晚,我真係就黎噴火0~

今日我終於交左report俾老細,呢單野簡直係困擾左我幾日,我專登6點先send,因為我唔想睇到拒覆番我,費時影響我放假既心情,

放工回家沖完涼就出左去每月一次既小學同學聚會,今次我地選擇係cafe包場玩,因為每次出黎實在太嘈,今次點嘈都無問題,今次有成20個同學出,但有幾個都係新加入既第一次出席我地既聚會,陣容唔同左,最衰有幾個鐵膽出唔到,否則真係聲勢浩大,我估唔到可以玩到成2點幾先走,又係一個好開心既晚上!

都想唔起這兩天發生過咩事...

*我專登夜晚打俾jeffy,拒真係仆街到無人有,點解個天要俾我識到拒架~~

*錢同時間都係可以睇清楚一個人.

*這兩天好大壓力,我仲未交report俾老細,我完全諗唔到點做,只想去逃避.

*我想自己做人都可以做得自私d,唔使下下為人地諗左先,唔為自己諗左先.

*8/7去左愛群食飯,拒講左好多野俾我聽,我明白好多人跟本唔了解拒,只係睇拒既表面,但我真係相信拒,相處左咁耐我清楚拒既性格,希望拒係我面前既真係拒自己.

 

尋晚辛苦到爆,今日都係去左睇e生,俾我話完之後今日拒都有d關心下既說話,今日番左去沙田同老細開會,拒既口才同轉數真係好快,唉…我都唔係好應,令外兩個同事就真係7彩,要我交report黎緊點做,我都唔知點做,點交??我好想轉工,講左好耐我都係得個講字,我已經做到灰哂心,每天番黎只有hea,點解我會改變成咁架~~
拒家姐生日諗左好耐出唔出,拒地個個都出,雯雯又落左cwb玩,我諗左出唔出去玩,同去邊度玩,.雖然我知拒好唔想我出去同拒玩,但我都照出,玩左一陣我過左cwb搵雯雯拒地,但我真的發覺投入唔到玩,玩到3點我同埋鬼妹又番過去佐敦玩,我諗住番過去搵拒,一齊走,結果無,拒仍然都係咁對我~

 

*今日係街撞到奶豪,我地都成3年無見喇,拒殘左好多,不過一撞到開頭既對白好攪笑,我嗌拒先,拒成個呆哂,我問做咩呆哂呀,拒話嚇親,做咩嚇親呀,俾前面兩個妹妹嚇親,點解呀,拒條群短到呀...超攪笑,估唔到幾年無見開場白唔係你點呀,係嚇親~~good

5/7訓醒已經5點幾,我真係覺自己好誇張,好耐未試過咁訓得,但超爽,好無聊咁嘈左交,自己型完又係要做死狗,我諗我真係應該要學識出少d聲,但好多時好多野已經要裝作不在乎...有時我都唔係好明我自己???夜晚去買左泰國野回家食,但我覺今日浪費哂...咁又無左日假,我以為尋晚我地講完會唔到tim,或者飲左酒講既說話訓醒就唔會記得啦,但我一定會記得尋晚拒講既野...

6/7今朝訓醒超喉嚨痛,去到下晝頭都痛埋,好辛苦,放工即回家睡覺,拒爸爸番左黎拒去左食自助餐,食完我叫拒買野俾我食,我喉嚨痛到全日都食唔到野,點之拒直接回左家無買到,我並唔係想食野,我只係想關心下我,如果拒肯買我會覺好開心,但我唔明點解咁簡單既野都做唔到,可能拒真係唔明個份心意,算啦,我都無咩點出聲,雖然會有其他人買俾我,但我只係想拒做姐,問題係唔同人做感覺就會唔到,拒仲出左去一句都無問下我,最終忍唔住send左sms俾拒~~

4/7 星期六,放工我去左剪髮加染髮,今次我無番去平時去開荃灣個間,因為呢間剪就好好其他就麻麻地,我去左esther個度,因為拒上次出黎我好鐘意拒個頭隻色,所以去拒個間,不過染左同無染分別不,都唔係好上到色咁,整完番到屋企都成四點,跟住就準備出去睇捧捧堂演唱會,無我想象之中咁好睇,平時睇拒地個節目跳得仲勁,呢晚都好唔算精彩,最慘係大部份都聽唔明拒地講乜野,睇住d人笑又唔知笑咩..車…

威廉讀一封給爸爸既信係超感人,好彩呢封信係有字幕,我不嬲最鐘意都係威廉,睇埋拒今晚我更加鐘意拒,未入場前我以為一定爆,點之唔係得9成入座,係出面d妹妹仔係超瘋狂,排隊買紀念品條龍見唔尾,仲之未入場前俾d妹妹嚇死,我今日早午晚三餐都係食麥當奴,

睇完出到去落好大雨,點之拒又話要去飲野,掉抵我,我發哂脾氣,發唔發拒都照去架啦,仲林到濕鬼哂,斌打俾我叫我去玩,我無去,拒話黎陪我食野,但當時我對拒既態度係超差,不過拒真係好勁,咁都仲未放棄,跟住我諗左陣出唔出去玩好…結果我都係出左去,去左搵雯雯,拒都係tst飲緊野,亞樂都係度,原來拒地都有d fd都係識,所以都話呢個世界好細,就算我身邊既人都係呢個識個個,所以我唔會覺有祕密,同千期唔好講大話,一定會有人知,

點之亞峰同雯雯嘈交,雯雯又係唔抵幫,係樓下嘈完個個都走,但係我又唔想走,跟住我又叫番拒地上去再飲過,我覺我每一次一係唔出一出又要玩到盡,玩到成5點幾先走,番到去拒同我講左好多野,我唔知拒講既野有幾多真幾多假,會唔會做到,不過聽下都好過無啦~

今日老細打俾我問我做緊咩,叫我下星期二番去見拒,唉...今次真係死得,我都唔知番去同拒點講,唔通話我日日番工無野做我都唔知自己做D咩,攪到我down左成日,好驚到星期二呀~

媽媽見我咁夜唔食飯整左個薑汁燉蛋俾我食,因為拒收夜左,我等到成9點幾先番去,我仲煮左水餃食,雖然煮好簡單既野,不過起碼都煮到先,唯有慢慢黎啦,好開心可以睇捧捧堂演唱會呀,拒同我講攞到飛,好好好期待呀~~

 

9-6都係超無聊咁過,上個月唔到數喇,死得,出左糧同無出糧都係無分別,我幾時先可以擺脫呀,唉...我仲要捱多幾耐呀...

出左糧我又買左好多野...唉...

放工回家沖完涼就出左去食飯,我鐘意出去食飯多d,起碼係呢段時間會講下今日發生過咩事,做過d咩,有d溝通先啦~

29號超悶既一日,由番工悶到收工,再由收工悶到訓覺..

30號..去到巴士站睇住架車走左,等左好耐先有車,攪到番工遲到,放工又係睇住架巴士走,又係等左好耐,最慘係番到屋企樓下先發現個化妝袋留左係公司...真係頂...跟住又要番公司攞,先再回家,激死我...點之拒打黎跌左鎖匙,我真係覺抵拒死,有報應,鬼叫拒之前呃我,係呢個時候我知我唔應該咁講,但我真係忍唔住,或者係我既內心到而家仲係嬲拒,所以...唉...又為條鎖匙嘈交@@攪到飯都無得食,換衫再出左去唱k,肥開生日,落到去先食野,拒都係tst飲野,3點幾過左黎揾我,等d人走咁d先好玩,之前太多人無咁好玩,我仲叫埋esther出黎唱,我已經唔記得對上個次同拒唱k係幾多年前既事,我玩到5點先走,番到屋企訓覺時已經係天光~~

1/7訓得一d都唔好唔知點解,訓醒整左通粉食,夜晚都係煮飯食,一樣唔係我煮...今日係屋企執屋~~

 

*唔知你明唔明點解成日都會為鎖匙嘈交呢...唔出聲唔代表我真係唔介意,你而家用緊個條咪我個條,唔知你手快定我眼快呢,我點會望唔到個鎖匙扣呀,我真係好介意你呃我!