Kathy's profileKathy的blog blog翠PhotosBlogListsMore  |  Tools Help |
28/08/09-30/08/0928/8放工一齊買餸煮飯,難得今晚一點都唔眼訓,因為第二日係星期六,所以個人既心情都唔同d,唔想訓覺.
29/8今天星期六,12點準時收工,拒都要放假,因為屋企掉左石屎落街,今日一早9點有人黎整,番到去一齊落街食埋野,等d人整完就執屋,執完同無執都好似一樣咁,夜晚拒出左去唱k,但拒都唔會叫埋我去,拒有咩活動都唔會叫我,好似會失禮拒咁,所以我出左去同文仔係佐敦玩,飲到超貓,玩到痴哂線,我玩親真係完全唔識控制自己,好多斷哂片,亞浩同偉送我番屋企,拒地都未走,尊登送完我再番去玩,都幾好,其實都唔係飲左好多,不過唔知點解咁貓~
30/8訓醒個頭超痛,暈足一日,俾人話我飲到咁醉,又話我條群短,又話其他男仔送我番黎,都抵俾人話既,真係醉到咩咁,之後落街食常餐,跟住就買野煲涼荼同買餸,今晚煮飯食,今次係跟上網d食普煮,好好味,夜晚拒又要出左去tst飲野喇...
*星期六無訓晏覺,唔想個個星期就訓左晏覺無左一日咁...
*軒生日我都無出到去,好似成日同拒D時間都夾唔到咁
*點解放假既時間會過得特別快架,..
*番工番到想死呀>< 26/08/09-27/08/0926/8 放工回家沖完涼先出去,今天已經係300天既日子,去左一間唔好食既餐廳食飯,不過環境都幾好,靜靜地,食完就回家,雖然平淡但會覺得溫暖
27/8 出左去搵chris食飯,行左一個圈,見到好多野都想買呀,不過無錢...今餐放工我去買埋餸先番煮飯食,唔係我煮,我煮既有排都無得食,,亞c車左個洗衣機過黎,跟住即晚洗左兩轉,我咁大個都係第一次用洗衣機,哈,我以後又多樣家務做喇,都幾好丫~~
*亞軒要結婚喇,唔係睇到拒fb既相問拒都唔話我知啦,仲話好朋友,好兄弟,唔開心呀唔同我講,不過拒結婚我都會鄧拒開心,希望軒會幸福快樂.
*你真的想俾到屋企既感覺我嗎???如果係真既我會好開心~ ><我真的很想轉工,我覺得而家做得好唔開心,我已經無哂閠志去做野,曾經我覺得自己都叫做得唔差,而家我都覺自己不知所謂,都唔知每天番工做緊咩野,咩都唔想做咩都提唔起勁,每天就好似個廢人咁由9坐到6,超無聊,但我又缺乏勇氣去改變!
放工後d時間又過得特別快,一陣又話要訓覺,係公司左磨又磨都等唔到收工咁,我都想知邊個發明要番工架~~
*呢兩個星期我都過得很好,因為我真係相信簡單就是快樂...
*我已經book定左拒生日食自助餐,成日講到好full咁,所以早d book定穩陣d,我講過我會親手整個蛋糕俾拒,諗起都驚,我之前都整個蛋糕但實狂太大工程,真係買個無咁嬲,所以今次我出去上堂整,但又唔知d時間點安排好...
*唔知你會唔會繼續對我好呢,其實都唔係好,只不過係比之前好左姐,不過對我黎講已經很開心,因為你講過你會改,你會變,信住d先啦,因為拒既問題根本唔會有得解決,你唔會唔理拒,但我已經唔想再知,因為知道只會另自己唔開心..
*唔知你夠竟鐘唔鐘意呢種生活呢,我驚你有一日會悶... 22/08/09-23/08/0922/8星期六放工又係例番屋企訓晏覺,好似好浪費左個星期六咁,但又真係好好訓,訓醒買外賣m記番去食,之後拒出左去玩,我就去左嘉敏屋企玩,可能成班太耐無見,個晚幾好玩,但最出奇係玩完打俾拒拒都走,平時一定唔會一定由得我自己番屋企,呢晚竟然會咁…(你愈黎愈對我好) 23/8訓醒去飲茶,叫左好多野食,可能太耐無去飲茶,飲完就去買野煲湯,但我覺得煲得唔係咁好飲,晚餐精彩,煎pancake食,因為我話想食,結果我地即興落街買料整,都幾好食,不過成日係屋企都幾悶咁! KL好大壓力,我好辛苦,得我一個去面對問題,解決問題,唔知點解每次有事我只會想起你,到而家你仍然對我咁好,可能你前世真係欠左我,就因為你對我太好,令我一直都無主動搵你,因為我覺浪費左你對我既好,唔知點樣面對你,我好內疚,只好逃避你,沒有人會比你對我更好,我知我有事你一定會幫我,你會係我最相信既人,或者我地之間既感情已經去到另一個階段,可能我地真的再無機會一齊,但生命中認識同你,有你對我既保護,有你曾經對我既愛已經足夠! ..呢幾日放工回家食完飯睇埋電視就訓,11點幾已經好眼訓,夜晚既時間過得特別快,又唔見係公司d時間都過得咁快,簡直係度日如連,唉...番工番到無哂心機,我都唔知自己做緊咩,亦都無心機做,今個月又唔到數,條數仲差好遠,都唔知點算好~ 15/08/09-16/08/0915/8 訓左個幾鐘就起身番工,都唔算好辛苦,可能飲左唔算好多,等到12點收工即回家再訓,訓到成6點先起身,落街買餸,我就全晚都係屋企,邊到都無去,而家要玩兩晚一定頂唔順~
16/8訓醒睇碟睇左金錢帝國,愈睇就愈眼訓,成7點先一齊落去買餸,今次上網睇左新菜色煮俾我食,好好味,我話減肥,但到而家都仲未有實際行動,呢兩日又食左好多,我真係肥左喇,但又忍唔到口,唔可以咁喇,唔知點解放假d時間過得特別快,我咩都無做過係屋企hea下咁又無左兩日,又唔見番工d時間咁快過><
13/08/09-14/08/0913/8 放工追巴士,平時我一定係唔會追巴士既人,但呢架車一等又要等成3個字,所以攪到我索氣,平時要6點半先有車,今日我搭到搭3班車,早左3個字番到屋企,今晚煮左咖哩雞食,好好味因為唔係我煮,亞虎要上黎,攪到我12點幾都走左,唔鐘意咁,不過都好似無咩感覺咁.
14/8 今天番工睇住架巴士走,等下一架要15分鐘一定遲到,因為平時我搭開個架番到去都59分,跟住走左搭地鐵轉火車再馬鐵,行去地鐵要成3個字,馬鐵行番去又3個字,晨早流流已經行左半個鐘,仲要再轉又轉,俾平時快左3分鐘番到黎,不過放工都可以考慮下,因為成日等幾個字巴士...
今晚又到一個月一次小學同學聚會,原本諗住係食小菜,點之原來坐房係有最低消費,我地叫左一圍酒席個d,好似去左飲咁,仲要食剩好多野,我係飽到想嘔,之後去左唱k,我都估到我地會去下一場玩,因為未出之前幾個同學仔都問定會唔會轉場,carman正日生日,我地就成理同學加拒d朋友一齊玩,拒都有出黎陪我玩,我都無諗過拒會出,唔知做咩呢排成日陪住我,但都開心既,起碼會重視我先啦,玩到成5點幾先走,都好好玩,我地玩得好開心,咁耐以黎仲要第一次先合唱,跟住訓一陣7點幾就要起身番工~
11/08/09-12/08/0911/8夜晚同左媽媽食譚仔先至番去,到11點幾已經好眼訓喇,真係頂唔順咁早起身,等車又等得耐先抆
12/8今天一番工上巴士開車唔夠5秒即壞車,唔係咁樣衰麻,下一班又要成15分鐘後,諗住轉其他車,但晨早流流唔想行,我繼續坐係巴士到等,等左10分鐘架車又行得番,番到去都係遲到...今天係荃灣見完客就收工,超開心,係荃灣行完街再落番旺角約左chris食飯,等chris期間我又繼續買野,點之他今日係佐敦好白痴咁上錯堂,無得上,過左黎同埋我地一齊食.食完落左去深水步買生蠔同刺身回家食,超正,今天簡直係非常好,早左收工,又食生蠔,拒又對我好...
*其實我有無問題呢,不停去發掘一d我知左唔會開心既野,但我又真係好想知,但知左就只會有唔開心... 一年08/08/2009係我搬回家一年喇,原來咁就過左一年,呢一年好似仍然好唔慣搬左番屋企,我仍然好想搬番出去住,成年無見過d狗,好掛住拒地,唔知拒地見番我仲記唔記得我,不過都應該無咩機會再見到拒地,好掛住我既貓貓mic,係我累死左拒,當日我帶埋拒走拒就唔會死,好想養番貓,但我想個隻係micmic,mic既性格真係好得人喜愛,當日無帶拒走係令我最後悔一件事,真係我累死左拒,micmic對唔住,
經歷過咁多,我仍然無成長過,呢一年我都好似係為別人而活咁,我仍然係無左我自己,但呢一年都算係開心既, 07/08/09-10/08/097/8 放工回家沖完涼等出去食飯,DW生日係長沙灣食.
8/8放工回家訓左陣晏覺,約左6點中環等,kitty生日去左食Buffet,好好味,我食左超多超多野,飽到嘔,之後仲去埋唱k,番到去成4點鐘.
9/8訓醒落街買野煲湯加買埋餸,今次我煮,好難食,連湯都唔好飲,
10/8放工番去買斬料食
06/08/09係沙田番工好累呀,每天一早要起身,放工番去又耐,平時12點幾先會覺眼訓,而家11點幾已經好眼訓,好似咩時間都無哂咁,放工後完全唔想出街,我諗而家去夜街一定頂唔順,食lunch仲慘,行番出去食又要行成兩三個字先出去,來回都無哂時間,係canteen食食完又唔知行邊好,又要困住係度,坐係canteen食食完d頭髮會好大油煙味,又唔可以上網,對住電腦咁多個鐘又唔知睇咩好,又要不停扮做野,算啦...都要習慣架啦... 05/08/09徹底崩潰... 04/08/09真的哭了... 03/08/09今天我SEND左俾拒我很不快樂,我想了很久很想分手,不過對拒黎講我講咩都係廢話...我很想哭 01/08/09-02/08/09星期六收工出番旺角,之前買左件3唔岩要換番,之前日日係旺角都唔走去換,而家又要轉登由沙田出旺角,跟住回家訓晏覺,慣左星期六一定要訓晏覺,但我覺得又好似好哂時間,訓醒又無左一日咁,但唔訓我又頂唔順,訓醒出去買外賣食,轉登食m記想換杯,點之又話換哂無得換><成晚無出街留在家中,但拒就出左去,玩,仲玩到六點先番...
星期日12點醒左,上完網又上番床訓過,成3點先起身,我既假期又係成日掛住訓,落左食完野順便買埋餸,都唔係我煮,全晚影既心情就係由拒收到個sms開始,我真的覺得好煩呀,成日咩都因為拒,我完全覺得拒係影響緊我地... 31/07/09今天第一日番沙田,7點7已經要出門口,我平時都係8點半先出,唉...又早左一個鐘,番到去8點9,等車都等左3個字,..仲要尋晚訓唔著...11點幾已經上床成點鐘先訓得著,全日都唔知自己係度做緊咩...死喇真係唔到數...連佣都無得出,今次跳樓都唔掂...
放工番到去好累呀,今晚叫左外賣sussi食,好累,一早上床訓~ |
|
|
