Kathy's profileKathy的blog blog翠PhotosBlogListsMore  |  Tools Help |
...*21/10去左睇南華,放工後即去,幾萬人迫係銅鑼灣去大球場,迫到我死,幾辛苦先上到去,拒地要一早入左去擺位,d飛係拒地到,點之去到門口電話jam哂線,打極都打唔到,我問埋人地借電話都打唔到,係門口企左成半個鐘,聽住開埋場,十分無奈,點之拒地打唔到俾我一早已經出左門口搵我,我on居居企係度陣俾拒地搵到,實在太感動喇,我諗唔到拒地打唔到俾我會出黎搵我架,個刻我真係超開心,我地個個都著哂紅衫,氣氛一流,不過最終都輸左~~
*上星期同左個話唔食煙但轉頭跌左個火機落地既傻瓜食飯,實在很攪笑,之後仲去左打機,嘩…超耐無係機舖打過機,但又幾好玩呀~~
*25/10我講左,我睇左,之後我走左…
*31/10holloween去左tst飲野,全晚一句野都無講過,型,仲帶埋亞sa轉場更加型,我就玩到著哂燈都唔願走…
*4/11尋晚我竟然可以由11點幾傾電話傾到4點,而家眼訓到爆,我記憶中呢十年我諗都未試過講電話可以講咁耐,我不嬲都唔鐘意講電話都可以講咁耐…勁 !!今次已經係第幾次??我都已經數唔出,但我竟然無咩感覺,真係麻木哂!! 27/10/2009今晚食左一餐很難食既飯,早知係咁我令願唔食,一路食一路想快d走,望著給別人冷言冷語,流露厭惡既眼神,幾咁難受,我無諗過會變成咁,我以為...原來.. 亂很亂很亂,我自己都唔知自己想點,唉…點解會咁架,究竟我想要d咩呀,我都唔知,我點做好,思想上我係明白,但行為上我都真係控制唔到,點解… ...我又好多天無打喇,唔知點解唔係好想打,這麼多天發生過什麼事呢~ 16/10/2009*番工遲到遲足成個禮拜,今日終於唔駛遲,因為終於唔係呢幾日揸個巴士佬,希望黎緊都唔好見到拒,拒真係好...好...慢
*捱埋呢兩日,可以放大假喇,攞左星期一,二,即係放3日半.
*換季喇,好多野要買,..真傷~~ 14/10/2009*好掛住個巴士佬呀,呢幾日唔係拒揸我日日都遲到,仲要係差成3,4個字,都唔明點解我搭同一班車,其他人可以揸得咁慢,,快d拒揸番啦,唔可以再遲喇,我又早唔多3個字起身,激死我喇@@
*一路都懶唔填報稅表,成日拖得就拖,收到稅單,差d嚇到心臟病發,我成日都係咁,明明要做d野,成日就諗住轉頭先,聽日先,遲d先><
*已經習慣左番沙田lu,習慣左又唔覺好似之前咁,好多野都係初初難接受,但其實識應左無咩姐~
^^^^我又好耐無打喇,我一d都唔忙,只係懶姐,都好似無咩野發生咁
*3/10中秋節去左昌屋企bbq,但我都無咩點食野,做完節先去,但我之前仲話好想bbq,點之到有得燒既時候就無咩點食野,成晚都幾好玩,但玩到成5點幾,好累~
*9/10又係每個月一次既小學同學聚會,食完飯之後再一齊去飲野,同小學同學同埋中學同學一齊都係好好玩,可能本身已經有一份感情係到,其實都唔係一晚既感覺,個晚又玩到成5點幾,訓左兩個鐘又要起身番工,我成日玩親又唔願走>,<
*10/10去左哈佬喂,我一次都未去過架,今年終於有機會去玩喇,$495一張飛好貴呀,一行廿幾人去玩,好浩盪盪,我覺自己著錯衫,玩到超熱,但好好玩,玩得好開心,行左好多路咁,番到去隻腳好累,但值得因為好開心
*朝早個巴士佬唔同左人揸,攪到我日日都遲到,原本個巴士佬揸係時間剛剛好,一換左其他人揸就揸到超慢,頂... ^^就算做著同一樣野,身邊既人同環境唔同出黎既效果都會唔同,一個人上網玩會好無聊,一個人睇電視會好悶,一個人連食飯都會無謂口,但兩個人一齊,這些咁普通都會變得精彩~ +Oil原來成長既階段係咁難行,行錯一步要承受既就係好大既後果,我行錯路,真係行左條不歸路,要付出好大好大,時間無得番轉頭,但我仍然無成長過,我知無人可以幫到我,但我一定會捱得過呢一關~ blog係blog打既野就係自己平時既感受,內心既世界,發洩既地方,但不會再打呢d,不會再打唔開心既野,不想其他人睇完個blog再為我擔心...只會打番平時一般既吃喝玩樂已經足夠... 30/09/2009去左大角咀同嘉敏拒地食飯,好耐都未試過一班人一齊食,好開心,華仔話我肥左又殘左…頂~~之後成班上左嘉敏到飲酒,我溝左啤酒,之後貓到爆,好耐都未試過咁貓,仲要嘔到仆街,呢獲有排俾拒地笑,起碼會俾拒地講足幾年,真係樣衰到爆…番到屋企直接嘔落地,痴左,貓到傻,好多都斷哂片,只記得貓既時候拒係照顧我 又幾天唔知點解最近成日都唔係好想打個blog咁,可能一停左就懶啩,一停左又唔知由邊度打起好,又好似無咩發生咁
*我以為我唔會變,開始發覺已經唔係,我好似對拒已經變左咁...點解會咁既...拒個晚講既野我好感動,..但唔覺拒會做到囉,..或者當發覺對住一個人只會有失望唔會再有希望既時候就會咁...心淡~
*SAT出左去同軒飲野...我就同SANDY同文仔上左去玩先,,但拒成兩點先到LAW...已經記唔起幾耐無同軒玩,唔知點解之前D時間成日都係唔夾,..sandy超貓,個晚都好好玩,第日訓醒頭都暈埋,成4點先起身,咁又無左日假咁~~
25/9/2009今天我又超白痴落錯車,今次唔係搭到過左龍,係早落車,一醒我見個個都落哂車,我以為搭到總站即仆落車,點之原來都未到,頂…真係超白痴~~
*我無買煙幾日諗住可以唔食,點之就係痴人d煙食,番工真係唔可以唔食煙,會死,而家只可以番工食,放工番去就唔食.. *講左咁耐都無實行減肥,真係肥左呀,我真係要決心減肥喇~ 這十幾天很多天無寫喇,但唔知點打番呢十幾天出黎,都唔知由邊度打起好~~
*我又執番野番去喇,拒講既野唔知做唔做到,不過我只會信埋最後一次,我唔會再俾多次機會拒,因為..我知我變左,可能太多次係咁,我已經變得麻木,已經唔會再害怕失去拒,我只會俾機會對我好既人,唔會再俾機會人地對我唔好
*今個月又唔到數,已經連續3個月唔到數...死得...
*打左一次麻雀,打好大10番256,我覺得,但我win左...haha..但好辛苦打足24圈,打到朝早6點,好累~
*打左一次8號風球,原全覺得每次打風對我都好唔老利,呢兩年每一次打風一定會同身邊既人嘈交
*沒有他在身邊時候同過好多朋友出去食飯,玩,不愁寂寞...但內心寂寞
*我要既生活好簡單,希望你會做到~
!!!好多天無打了,無咩心情打~~ miss u~很掛住你,你會同我一樣嗎??? 結束今天我收拾哂所有野走了,一 齊都結束. 這幾天*我看了一個令我很唔開心既sms,原來到而家拒都仲要係咁...真的很過份,係我面前一套,係個條女面前又一套~~~
*一上車就訓覺,唔知要起身落車, 訓到總站先識醒...原全唔知去左邊,要再搭的士番工..超白痴><
*5/9sat出左去tst同嘉敏飲野,都未玩夠要走,不過無所謂,可以一齊就得~
*這兩天放工番去都煮飯俾我食..真係好,開始覺得唔識煮飯既好處..哈哈 why!!為什麼要不停去發掘自己知道左會唔開心既野呢,我都唔想...但我真係忍唔住,好想好想真的好想.....但我缺乏勇氣,我覺得我唔應該好似而家咁~ |
|
|
